تبلیغات
> ....................................*************************************خوش آمدید دوستان********************************************.............................. ** ئاڵای نیشتمان ** - شامی کرمانشاهی
  

 

وڵم که‌

په‌ریشانم ،په‌ریشانم،وڵم که‌

دوچاری ده‌ردی پنهانم،وڵم که‌

وه ‌ده‌ردم ئاشنا کردی،نه‌کردی؟

سته‌مگه‌ر، فکر ده‌رمانم،وڵم که‌!

وڵم که‌ تا نەوەیت که‌س په‌ی وه‌ده‌ردم

دو سێ رووژێ که‌ میهمانم،وڵم که‌!

نه‌گرت که‌س ده‌عوه‌تم خوه‌م بیمه‌ مهمان

وه‌کارێ خوه‌م په‌شیمانم،وڵم که‌!

حه‌مامه ‌ئی سه‌رایێ سه‌رد و گه‌رمه‌

بساو کیسه‌ وه‌ ناو شانم وڵم که‌

نه‌ ساختێ من وه‌ فوولاده‌ نه‌ وه ‌سه‌نگ

هه‌ف هه‌شت ده‌تیکه‌ سوقانم،وڵم که‌!

ته‌نم زانم نه‌سیبی موور و ماره‌

نه‌موورم نه‌ (سوله‌یمانم) وڵم که‌!

وه‌کامێ که‌س نییەگەردد چه‌رخ تا سه‌ر

نه‌ ده‌رویشم نه‌ سوڵتانم وڵم که‌!

وه‌ واوه‌یلای دڵ هه‌ر شه‌و ڕه‌وانه‌

سرشکێ ‌‌‌‌غه‌م وه‌دامانم،وڵم که‌!

خه‌رابم کرد خه‌راباتێ خه‌یاڵت

وه‌ده‌ست چوو عه‌قڵ و ئیمانم، وڵم که‌!

وه‌باده‌ی ته‌لخێ جامێ زنده‌گانی

دەمی مه‌ست و ‌غه‌زه‌ڵخانم،وڵم که‌!

وه‌سه‌حرایێ خیاڵ چون قه‌یس سانی

تۆکردی ویڵ و وه‌یلانم،وڵم که‌!

گوزه‌شت فه‌سڵێ به‌هار و مووسمێ باغ

وه‌ فکرێ له‌رزێ زمسانم،وڵم که‌!

له‌وه‌ ترسم بکیشد‌ کار وه‌ هاوار

نه‌که‌ی که‌س گووش وه‌ ئه‌فغانم،وڵم که‌!

وڵم که‌ید یا نیه‌که‌ید ره‌حمێ وه‌حاڵم

ته‌نم کردی وه‌ زندانم،وڵم که‌!

وه‌ ئه‌رواحێ شه‌ره‌ف سه‌وگه‌ند که‌ دائم

مەلوولێ مەرگێ وجدانم،وڵم که‌!

شه‌ره‌ف کوشیاد و وجدان جوانه‌مه‌رگ بی

وه‌ بیوجدانی حه‌یرانم،وڵم که‌!

وه‌کام دوشمه‌ن بووه‌م ئه‌ی دووس شکایه‌ت؟

که‌دووس بی قاتڵێ گیانم،وڵم که‌!

وڵم که! وڵ که‌رت نیم سوب له‌ مه‌حشه‌ر

تۆ کردی خاری ده‌ورانم،وڵم که‌!

تۆکردی بی سه‌روسامانێ(شامی)

وه‌مه‌ولا خوه‌م قه‌شه‌نگ زانم،وڵم که‌!

**شامی**




طبقه بندی: مطالب جالب و خواندنی، اشعار کردی،
برچسب ها: شامی، نوشته های زیبا،

تاریخ : جمعه 7 فروردین 1394 | 03:36 ب.ظ | نویسنده : فرزاد نظرات
.: Weblog Themes By VatanSkin :.