تبلیغات
> ....................................*************************************خوش آمدید دوستان********************************************.............................. ** ئاڵای نیشتمان ** - اشعاری از ماموستا مولوی کرد

                                                

               

                                   ئیمشەو    دیارەن

ئیمشەو  دیارەن  بانگم  بێ  شەرمەن   

                                      زایەڵەی  سەمتوور  کەللەم   وەگەرمەن  

سەدای زیل و بەم  مەینەت  سەد تەرزەن

                                   خەفەت شادیشەن،خەم   دەماخ بەرزەن

هۆشم بێ هۆشەن،فامم  قامەت  قاخ

                               بۆی دووریی ئازیز مەیۆم  نە دەماخ

نەی چی! درەنگەن  سا مەکەر  درەنگ

                               فیدای پەنجەت بام،نەی باوەر  وە  دەنگ

هەر تەرزێ  پەی وێش بکەرۆ  ڕازێ

                                      گێرۆ   نە   دەروون   هەر سازێ  گازێ

بجۆشۆ هەر کەس وەقەد ناڵه ی وێش

                                     بنۆشۆ  هەر  کەس  وە   پیاڵەی   وێش

سادەی، ساحیب نەی ! ریشەی دڵ کەر پەی

                                     تاڵیم دەر ئەی فەرد وە نەزمەکەی  نەی:

ئیمشەو   وەهەر حاڵ شەو  وە ڕۆ  بەروون

                                  ئەی خوا سامەرگێ،سەحەر چێش  کەروون

          

                            قیبلەم   تۆم   نە دڵ

قیبلەم تۆم نە  دڵ... قیبلەم تۆم  نە  دڵ

                                         تا  ڕۆی  قیامەت  هەر تۆم   هانە دڵ

فیدای شیۆەت بام جەمین پەڕەی گۆڵ

                                        دڵ  جەتاسەی  تو   دایم  مدۆ چڵ

ماتم  وێنەی سەنگ،زەردم  چون خەزان

                                       دایم پێچ  مدەو   چو ن  ماران گەزان

گەستەی  مار خاسەن ساتێ دوو ساتەن

                                     ئەر نەمرۆ   زیندەی ڕووی سەر بەساتەن

ئەما من  دەردم  چون   دەردەداران

                                   دایم هەر  وە  سۆن چون گەستەی ماران

کاشکی هەر  ڕۆ   یەک سیامارێ

                                 هەردوو  پام مەگەست چەند جار نەک جارێ

قیبلەم  تۆ  خوداو  گشت  پەیغەمبەران

                                  ئەگەر  مەیلت  هەن   وێنەی  دلبەران

بکیانە   پەرێم   گاهێ   پەیامێ

                                  بنویسە   وە    لام   دوعاو    سەلامێ

یا   وەس بنیشو و  مات  و پەشێو حاڵ

                                     یا  وەس   بکێشوو   هەناسان  کاڵ 

پەی چێش بێ  مەیلت  کەردەن  وە  پیشه

                                       گاهێ تۆیچ   پەی  من  ئاهێ   بکێشه 

باقی والسلام ، قیبلەی   میحرابم

                                       بڵێسەش  بەرزەن  جەرگ   کەبابم

                




طبقه بندی: اشعار کردی،

تاریخ : سه شنبه 28 خرداد 1392 | 07:07 ب.ظ | نویسنده : فرزاد نظرات
.: Weblog Themes By VatanSkin :.